காதலனால் கடலில் தள்ளிவிடப்பட்ட காதலி! நீந்தி வந்து கரையேறிய அதிசயம்!!

ஊர்காவற்றுறைப் பகுதியைச் சேர்ந்த பெண் ஒருவர் யாழ்ப்பாணத்தைச் சேர்ந்த ஆண் ஒருவரைக் காதலித்து வந்துள்ளார்.

இந் நிலையில் இவர்கள் இருவரும் இரகசியத் திருமணம் செய்வதற்காக நெடுந்தீவுப் பகுதிக்குச் செல்லத் தீர்மானித்திருந்தனர்.

இதன்படி அப் பகுதியைச் சேர்ந்த நபர் ஒருவருடன் பிளாஸ்ரிக் படகு மூலம் நெடுந்தீவுக்கான பயணத்தை ஆரம்பித்தனர்.

இதனிடையே தனது காதலனுடன் இரகசியத் திருமணம் செய்ய நெடுந்தீவுக்குப் புறப்படுவதற்கு முன் குறித்த பெண் தனது வீட்டில் இருந்த 75 ஆயிரம் ரூபாய்களையும், 25 பவுண் நகைகளையும் தன்னுடன் எடுத்துச் சென்றுள்ளார்.

எனவே இதனை அபகரிக்கும் திட்டத்துடன் காதலனும், பிளாஸ்ரிக் படகு உரிமையாளரும் இணைந்து திட்டம் தீட்டிக் குறித்த பெண்ணைக் கடலில் தள்ளி விட்டுச் சென்றுள்ளனர்.

ஆனால் அப் பெண் நீந்திச் சென்று பனங்காணி எனும் பகுதியில் கரையேறியதுடன் பொலிஸாருக்கும் தகவல் கொடுத்துள்ளார்.

உடனே விரைந்து சென்ற பொலிஸார் இருவரையும் கைது செய்துள்ளனர். காதலுனுக்கத் துணைபோனதாகக் கூறப்படும் பிளாஸ்ரிக் படகு உரிமையாளர் நெடுந்தீவைச் சேர்ந்தவர் என்றும் தற்போது புங்குடுதீவில் திருமணம் செய்து வாழ்பவர் என்றும் தெரிய வந்துள்ளது.

News:Manithan